இலங்கை வங்கியின் Rewardz Plus – கடனட்டைப் பாவனையாளருக்கான வெகுமதித் திட்டம்
இலங்கை வங்கி கடன் அட்டையைப் பயன்படுத்தி நீங்கள் மேற்கொள்ளும் கொள்வனவுகளின் பொருட்டு Rewardz Plus ஊடாக நாளாந்த வெகுமதிகளைப் பெற்றுக்கொள்ளுங்கள். நீங்கள் ஒவ்வொரு முறையும் கடனட்டையை பயன்படுத்தும் போதும் பரவசமூட்டும் பல வெகுமதிகளை வெல்லுங்கள். பொருட் கொள்வனவாக இருந்தாலும் உணவகங்களில் உணவருந்துவதாக இருந்தாலும் பயணங்களை மேற் கொள்வதாக இருந்தாலும் எல்லா விதமான கடனட்டை மூலமான கொள்வனவுகளுக்கும் வெகுமதிகள் காத்திருக்கின்றன. இவ்வாறு வெல்லும் வெகுமதிகளை நீங்கள் விரும்பும் விற்பனை நிலைய கொடுப்பனவுகளின்போது மீட்டுக்கொள்ளும் வாய்ப்பு உங்களுக்குக் கிடைக்கின்றது.
Rewardz Plus ஒவ்வொரு கொள்வனவிலும் வெகுமதிகளை வழங்குவதோடு இலங்கை வங்கிக் கடனட்டையே ஆகச் சிறந்த தெரிவு என்பதை உறுதிப்படுத்துகின்றது.
தகுதி
கீழ் காணும் கடனட்டை வகைகளைக் கொண்டுள்ளவர்கள் இத்திட்டத்திற்கு தகுதியுடையவர் ஆவர்.
- Doctors’ Card
- Chartered Accountants’ Card
- State Sector Card
- Prestige Credit Card
- World Master
- Visa Platinum
- Visa Gold
- Master Titanium
- Visa Classic
வாடிக்கையாளரை இணைத்துக் கொள்ளல்
இலங்கை வங்கியின் கடனட்டை உரிமையாளர் என்ற வகையில் நீங்கள் தானாகவே Rewardz Plus திட்டத்தின்கீழ் இணைத்துக் கொள்ளப்படுவீர்கள். இவ்வெகுமதிகளை மீட்டுக்கொள்வதற்கு நீங்கள் செய்ய வேண்டியதெல்லாம் www.rewardzplus.boc.lk என்ற இணையத்தளத்திற்குச் சென்று உங்களைப் பதிவுசெய்து உங்கள் கணக்கைச் செயற்படுத்திக்கொள்வது மட்டுமே.
உங்கள் கணக்கை செயற்படுத்திக்கொள்ள பின்வரும் படிமுறைகளை பின்பற்றவும்
- www.rewardzplus.boc.lk என்ற இணையத்தளத்திற்கு செல்லவும்.
- வங்கியில் பதிவுசெய்யப்பட்டுள்ள உங்களுடைய தேசிய அடையாள அட்டை எண்ணை உள்ளிடவும்.
- உங்களுடைய பதிவு செய்யப்பட்ட மின்னஞ்சல் முகவரிக்கு மற்றும்/அல்லது கைபேசி இலக்கத்திற்கு அனுப்பப்படும் OTP இலக்கத்தை உள்ளிடவும்.
- பயனர் ID மற்றும் கடவுச்சொல்லை அமைக்கவும்.
- பயனர் ID மற்றும் கடவுச்சொல்லின் ஊடாக உள் நுழைந்து வெகுமதிகளை மீட்டுக் கொள்ளவும்.
