BOC e-Creator ණය යෝජනා ක්‍රමය

පහත සඳහන් සුදුසුකම් සපුරා ඇත්නම් ඔබට BOC e-Creator ණයක් ලබා ගත හැකි ය.  

• දැනට සමාජ මාධ්‍ය කන්ටෙන්ට් නිර්මාණකරණයෙහි නිරත වීම.
• කන්ටෙන්ට් නිර්මාණකරණය වෙත අවතීර්ණ වීමට කැමැත්තක් දක්වන්නේ නම්  පිළිගත හැකි ව්‍යාපාර සැලැස්මක් ඉදිරිපත් කළ හැකි වීම.
• නීත්‍යනුකූල ව පිළිගත හැකි සමාජ මාධ්‍ය ක්‍රියාකාරකම්වල නිරත වීම.
• අයදුම්කරුවන් BOC Smart Freelancer ගිණුම් හිමියකු විය යුතු අතර, ව්‍යාපාරවලින් ලැබෙන ආදායම එක ම ගිණුමක් වෙත යොමු කළ යුතුය.

සමාජ මාධ්‍ය කන්ටෙන්ට් නිර්මාණ ව්‍යාපෘතිවලට අදාළ ආයෝජන සහ කාරක ප්‍රාග්ධන අවශ්‍යතා සඳහා BOC e-Creator ණයක් ලබා ගත හැකිය.

උපරිම ණය මුදල 

• රු.500,000/-ක් හෝ ව්‍යාපෘති පිරිවැයෙන් 80% (මේ අතරින් අඩු ම අගය)

ආපසු ගෙවීමේ කාලය

• වසර 5 ක් දක්වා. (මාස 6 ක විකල්ප  සහන කාලයක් ද ඇතුලත්ව) 

පොළී අනුපාතය 

•  9.50% ක ස්ථාවර වාර්ෂික පොලී  අනුපාතයක්.

සුරැකුම් / ඇප 

• බැංකුවට පිළිගත හැකි ඕනෑ ම සුරැකුමක්.

• අයදුම්කරුවන් BOC Smart Freelancer ගිණුම් හිමියකු විය යුතු ය.
• අදාළ ණය මුදල අනුමත ව්‍යාපෘති අරමුණු සඳහා පමණක්  භාවිත කළ යුතු ය.
• එක් ගනුදෙනුකරුවෙකුට එක් BOC e-Creator ණයක් පමණක් අනුමත කරනු ලැබේ.
• මෙම ණය යෝජනා ක්‍රමය යටතේ පවතින ණය පියවීම් හෝ ප්‍රතිමූල්‍යකරණයට අවසර ලබා දෙනු නොලැබේ.
• අයදුම්කරුවන් හිතාමතා ණය ආපසු ගෙවීම පැහැර හැරීම සිදු නොකළ යුතු ය. 
• ව්‍යාපෘති ශක්‍යතාව සහ ආපසු ගෙවීමේ හැකියාව ලංකා බැංකුව විසින් ඇගයීමට ලක් කරනු ලැබේ.

ඔබගේ කනෙන්ට් නිර්මාණකරණ ව්‍යාපාරය විශ්වාසයෙන් යුතු ව ආරම්භ කරන්න.

ඔබේ නිර්මාණාත්මක ගමනට සහාය වීමට ලංකා බැංකුව සූදානමින් සිටී. BOC e-Creator ණයක් සඳහා අයැදුම් කර, ඔබේ කන්ටෙන්ට් නිර්මාණකරණ ව්‍යාපාරය මීළඟ අදියර කරා රැගෙන යන්න. 

වැඩිදුර තොරතුරු සඳහා, ඔබේ ළඟ ම ඇති ලංකා බැංකු ශාඛාවට පිවිසෙන්න. නැතිනම් 1975 අංකයෙන් ලංකා බැංකු ඇමතුම් මධ්‍යස්ථානය අමතන්න.

*නියමයන් සහ කොන්දේසි අදාළ වේ.