කෞතුකාගාරයට ප්‍රවේශවීමට ඇත්තේ ආලින්ද ප්‍රදේශය ඔස්සේ ය. එහි, කෞතුකාගාරයේ සැලැස්ම හා අරමුණු ප්‍රදර්ශනය කර, කෞතුකාගාරයට ඇතුළුවෙන අයට ඒ සඳහා අවශ්‍ය අපූරු වටපිටාවක් නිර්මාණය කරදී ඇත.

ආසන 55ක පමණ ධාරිතාවකින් යුතු මෙම ශ්‍රවණාගාරය, කෞතුකාගාරය නැරඹීමට පැමිණෙන පාසල් සිසුන්ට වෙළෙඳාමේ අතීතය හා වෙනත් කෞතුකාගාරයට අදාළ වීඩියෝ වාර්තා වැඩසටහන් පෙන්වන ස්ථානයයි. 

කෞතුකාගාර ප්‍රදර්ශන ප්‍රධාන කොටස් තුනකින් සමන්විත ය. එයින් හරි අඩක් ලංකාවේ අතිතයේ සිට වර්තමාන දක්වා භාවිතා වුණු මුදල් හදල් සහ ඒ හා බැඳුනු වෙළඳ වාණිජ ඉතිහාසය නිරූපණය සඳහා ද අනෙක් කොටස් දෙක ලංකා බැංකුවේ ඓතිහාසික ගමන්මග හා නුතන බැංකුකරණය විදහා දැක්වීම සඳහා ද වෙන් කර ඇත. 

භාණ්ඩ හුවමරුව මුදල් භාවිතය දක්වා වේගයෙන් වර්ධනය වූ ආකාරය වසර ගණනාවක පටන් භාවිත වූ විවිධ කාසි සහ මුදල් නෝට්ටු ද මෙම අංශය තුල ප්‍රදර්ශනය වේ. මෙම අංශය මුදලේ විකාශනයේ යුග කරණය අනුව අවධි කිහිපයකට බෙදා ඇත.

• පුරාණ යුගය (ආරම්භයේ සිට ක්‍රි.ව. 700) 
• මධ්‍යකාලීන යුගය (ක්‍රි.ව. 700 - 1500) 
• යටත්විජිත සමය (ක්‍රි.ව. 1500 - 1950)
• නුතන යුගය (1950…)

විශේෂයෙන්ම මෙම කාසි අතර ඉතා දුර්ලභ දැකගත හැකි රන් කහවණු , අකුරුගොඩ කාසි ටෝකන මෙන්ම දී ලන්දේසි වෙළඳ සමාගම විසින් නිකුත් කරන ලද ඕලන්ද තඹ දඬු තුට්ටු දැකගත හැකිය.

මෙම ප්‍රදර්ශන අංශයේ 1939 අගෝස්තු 1 දින සිට ලංකා බැංකුවේ ඓතිහාසික ගමන්මග පෙන්නුම් කරන ඒකක දෙකකින් සමන්විත ය. නුතන බැංකු ක්‍රමයේ පදනම සැකසීම සහ ලංකා බැංකුවේ ආරම්භය, කාලානුරූපිව අභියෝග මධ්‍යයේ නැගී සිටීම, දශකය සිදුවූ සංවර්ධනය, පුළුල්වීම හා ලංකේය සුවහසක් මහජනතාව උදෙසා ලංකා බැංකුවෙන් සිදු කළ  සේවය මෙහි සැකෙවින් විස්තර කෙරේ.

ලංකා බැංකු අංශයට අයත් පළමු කොටසේ මින් දශක කිහිපයකට පෙර බැංකු කටයුතු සඳහා භාවිත වූ විවිධ උපකරණ එකතුවක් ප්‍රදර්ශනය කෙරේ. ලංකා බැංකු අංශයට අයත් දෙවන කොටසේ ප්‍රදර්ශනය කෙරෙන්නේ බැංකුව සම්බන්ධ වැදගත් ඓතිහාසික ලිපි ලේඛන පෙළකි. 

තවමත් ඉදිකරමින් පවතින මෙම අංශය, නුතන බැංකුකරණ කටයුතු ගැන අධ්‍යයනය කරන අයටත් ඒ පිළිබඳව උනන්දු දක්වන පාසල් සිසුන්ටත් ඉතා ප්‍රයෝජනවත් තොරතුරු එකතුවකි.

ලංකා බැංකු මුලස්ථානය ගොඩනැගිල්ලේ වක්‍රාකාර හැඩය ප්‍රයෝජනයට ගනිමින් කෞතුකාගාරයේ අභ්‍යන්තර සැලැස්ම නිර්මාණය කොට ඇත. මෙම වක්‍රාකාර බිත්තියේ මුදල් හා බෙදෙන ලංකාවේ වෙළෙඳ වාණිජ ඉතිහාසය සැකෙවින් විස්තර කර ඇත. මෙහි ප්‍රදර්ශනය කෙරෙන කෙටි වාර්තා වැඩසටහන ද ඒ හා සබැඳේ.  ලංකා ඉතිහාසයේ හා ලෝක වෙළඳ වාණිජ ඉතිහාසයේ වැදගත් සිදුවීම් මාලාවක් ද පහළ  කොටසේ කාල රේඛාව ආශ්‍රයෙන් දක්වා ඇත. 

මුදල් නෝට්ටුවල ඇතුලත් කර ඇති ආරක්ෂක සංකේත හා ව්‍යාජ නෝට්ටු හඳුනාගන්න ආකාරය මෙහි විස්තර කෙරේ. කළුවර කාමර වශයෙන් හඳුන්වන්නේ, ඹඪ ආලෝක තත්වය යටතේ පමණක් දැක ගත හැකි ආරක්ෂණ සංකේත ප්‍රදර්ශනය සඳහා මෙහි අඳුරු පරිසරයක් නිර්මාණය කර ඇති බැවිනි.

කෞතුකාගාරය පිහිටා ඇති 28 වෙනි මහලේ ඇති විවෘත බැල්කනියට පිවිසීමෙන් ලංකා බැංකු මුලස්ථාන ගොඩනැගිල්ල වටා ඇති අතිවිශාල කලාපයක් දැකගැනීමේ අපුරු අවස්ථාව උදාවේ.